ಸೌದಿ ರಾಜಮನೆತನದ ವಿರುದ್ಧ ಟ್ವೀಟ್: ಪತ್ರಕರ್ತನಿಗೆ 7 ವರ್ಷಗಳ ನಂತರ ಗಲ್ಲುಶಿಕ್ಷೆ

ದುಬಾೖ: 2018ರಲ್ಲಿ ಬಂಧಿತನಾಗಿದ್ದ ಸೌದಿ ಅರೇಬಿಯಾದ ಪತ್ರಕರ್ತರೊಬ್ಬರನ್ನು ಶನಿವಾರ ಗಲ್ಲಿಗೇರಿಸಲಾಗಿದೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ. ಟರ್ಕಿ ಅಲ್‌-ಜೇಸರ್‌ ಎಂಬಾತ ಶಿಕ್ಷೆಗೊಳಗಾದ ವ್ಯಕ್ತಿ. ಈತನ ಟ್ವೀಟರ್‌ ಖಾತೆ ಯಿಂದ ಸೌದಿ ರಾಜ ಮನೆತನದ ವಿರುದ್ಧ ಹಾಗೂ ಬಂಡುಕೋರರ ಗುಂಪುಗಳ ಬಗ್ಗೆ ವಿವಾದಾತ್ಮಕ ಪೋಸ್ಟ್‌ ಮಾಡಲಾಗಿತ್ತು ಎನ್ನಲಾಗಿದೆ.

2018ರಲ್ಲಿ ಈತನ ಮನೆಯಲ್ಲಿ ಅಧಿಕಾರಿಗಳು ಶೋಧ ನಡೆಸಿ ಬಂಧಿಸಿದ್ದರು. ಇದಾಗಿ 7 ವರ್ಷಗಳ ಬಳಿಕ ಗಲ್ಲುಶಿಕ್ಷೆಯಾಗಿದೆ. ದೇಶದ್ರೋಹ, ಉಗ್ರವಾದಕ್ಕೆ ಬೆಂಬಲಿಸಿದ್ದಕ್ಕಾಗಿ ಶಿಕ್ಷಿಸಿರುವುದಾಗಿ ಸೌದಿ ಹೇಳಿದ್ದು, ಸಾಮಾಜಿಕ ಹೋರಾಟಗಾರರು ಇದನ್ನು ಅಲ್ಲಗಳೆದಿದ್ದಾರೆ.