ಫ್ರೆಂಚ್ ರೆಸ್ಟೋರೆಂಟ್ ಮಾಲೀಕನಿಂದ ಹಳೆಯ ಗೆಳೆಯನ ಹತ್ಯೆ: ದೇಹದ ತುಂಡುಗಳನ್ನು ಪಾತ್ರೆಯಲ್ಲಿ ಬೇಯಿಸಿದ ಕ್ರೌರ್ಯ

ಫ್ರಾನ್ಸ್‌ : ರೆಸ್ಟೋರೆಂಟ್ ಮಾಲೀಕನೊಬ್ಬ ವ್ಯಕ್ತಿಯನ್ನು ಕೊಂದು, ಆತನ ದೇಹವನ್ನು ತುಂಡುಗಳಾಗಿ ಕತ್ತರಿಸಿ ಅದನ್ನು ತರಕಾರಿ ಪಾತ್ರೆಯಲ್ಲಿ ಬೇಯಿಸಿದ ಆಘಾತಕಾರಿ ಘಟನೆ ಫ್ರಾನ್ಸ್‌ನಲ್ಲಿ ನಡೆದಿದೆ.
ಫ್ರಾನ್ಸ್‌ನಲ್ಲಿ ಈ ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದ್ದು, ರೆಸ್ಟೋರೆಂಟ್ ಮಾಲೀಕನೊಬ್ಬ ವ್ಯಕ್ತಿಯನ್ನು ಕೊಂದು, ಆತನ ದೇಹವನ್ನು ತುಂಡುಗಳಾಗಿ ಕತ್ತರಿಸಿ, ನಂತರ ಅವನ ದೇಹದ ಭಾಗಗಳನ್ನು ತರಕಾರಿಗಳ ಪಾತ್ರೆಯಲ್ಲಿ ಬೇಯಿಸಿ ತನ್ನ ಅಪರಾಧವನ್ನು ಮುಚ್ಚಿಹಾಕಿದ್ದಾನೆ.

60 ವರ್ಷದ ಫಿಲಿಪ್ ಷ್ನೈಡರ್ ಆರೋಪಿ ಫೆಬ್ರವರಿ 2023ರಲ್ಲಿ ಜಾರ್ಜಸ್ ಮೀಚ್ಲರ್ (60)ಅವರನ್ನು ಕೊಂದಿದ್ದಾನೆ ಎಂದು ದಿ ಟೆಲಿಗ್ರಾಫ್ ವರದಿ ಮಾಡಿದೆ .

ಮೀಚ್ಲರ್ ಅವರ ಮಗಳು ತಂದೆಯನ್ನು ಸಂಪರ್ಕಿಸಲು ಸಾಧ್ಯವಾಗದಿದ್ದಾಗ ಇಡೀ ವಿಷಯ ಬೆಳಕಿಗೆ ಬಂದಿದೆ, ನಂತರ ಅವಳು ತನ್ನ ತಂದೆಯ ಕಣ್ಮರೆಯ ಬಗ್ಗೆ ಪೊಲೀಸರಿಗೆ ತಿಳಿಸಿದ್ದಾಳೆ, ಪೊಲೀಸ್​​ ತನಿಖೆ ನಂತರ ಷ್ನೇಯ್ಡರ್ ಮತ್ತು ಅವನ ಸಂಗಾತಿ ನಥಾಲಿ ಕ್ಯಾಬೌಬಾಸ್ಸಿ (45) ಕೊಲೆಯಾದ ವ್ಯಕ್ತಿಯ ಕಾರನ್ನು ಪಟ್ಟಣದ ಸುತ್ತಲೂ ಓಡಿಸುತ್ತಿರುವುದು ಪತ್ತೆಹಚ್ಚಿದ್ದಾರೆ.

ವಿಚಾರಣೆಯ ಸಮಯದಲ್ಲಿ, ಷ್ನೈಡರ್ ತನ್ನ ಅಪರಾಧವನ್ನು ಒಪ್ಪಿಕೊಂಡಿದ್ದು, ಮೈಚ್ಲರ್‌ನನ್ನು ತಪ್ಪಾಗಿ ಕೊಂದಿರುವುದಾಗಿ ಹೇಳಿಕೊಂಡನು. ಷ್ನೈಡರ್ ಪೊಲೀಸರಿಗೆ ತಾನು ಮೈಚ್ಲರ್‌ನ ಮನೆಗೆ ಗಾಂಜಾ ಕದಿಯಲು ಹೋಗಿದ್ದೆ ಮತ್ತು ಮೂರನೇ ಶಂಕಿತ ಲೂಪ್ ಬೆನ್ರಾಕಿಯಾ ಸಹಾಯವನ್ನು ಪಡೆದಿದ್ದೆ ಎಂದು ಹೇಳಿದ್ದಾನೆ.

ಮನೆಗೆ ಹಿಂದಿರುಗಿದ ನಂತರ, ಆರೋಪಿಯು ಅವನ ಇತರ ಅಂಗಗಳನ್ನು ತರಕಾರಿ ಪಾತ್ರೆಯಲ್ಲಿ ಬೇಯಿಸಿ, ನಂತರ ಮೀಚ್ಲರ್‌ನ ತಲೆಯನ್ನು ಸುಟ್ಟು ಬೂದಿಯನ್ನು ಅವನ ಆಸ್ತಿಯಲ್ಲಿ ಚೆಲ್ಲಿದ್ದಾನೆ.

ಷ್ನೈಡರ್ ವಿರುದ್ಧ ಅಪಹರಣ ಮತ್ತು ಸಾವಿಗೆ ಕಾರಣವಾದ ಶವವನ್ನು ಮರೆಮಾಡಿದ ಆರೋಪ ಹೊರಿಸಲಾಗಿದೆ. ಪ್ರಕರಣದ ತೀರ್ಪು ಮೇ 22 ರಂದು ಪ್ರಕಟವಾಗುವ ನಿರೀಕ್ಷೆಯಿದೆ.