1 ತಿಂಗಳು 8 ದಿನದ ಮಗು ತಾಯಿಯೊಂದಿಗೆ ಓಂಕಾರ ಜಪದಿಂದ ವಿಶ್ವದಾಖಲೆ

ಶಿಗ್ಗಾವಿ:1 ತಿಂಗಳು 8 ದಿನಕ್ಕೆ ಓಂಕಾರ ಜಪಿಸುವ ಮೂಲಕ ತಾಲೂಕಿನ ಮುಗಳಿ ಗ್ರಾಮದ ಪ್ರವತಿ ಪ್ರಶಾಂತ ದುಂಡಪ್ಪನವರ ವಿಶ್ವದಾಖಲೆ ಮಾಡಿ ತನ್ನ ಹೆಸರನ್ನು ಕಿಡ್ಸ್‌ ಬುಕ್‌ ಆಫ್‌ ರೆಕಾರ್ಡ್‌ನಲ್ಲಿ ದಾಖಲಿಸಿದ್ದಾಳೆ.

ತಾಲೂಕಿನ ಮುಗಳಿ ಗ್ರಾಮದ ನೇತ್ರಾವತಿ, ಪ್ರಶಾಂತ ದುಂಡಪ್ಪನವರ ದಂಪತಿಗೆ ಫೆ.28ರಂದು ಜನಿಸಿದ ಮಗು ಪ್ರವತಿ ದುಂಡಪ್ಪನವರ 1 ತಿಂಗಳು 8 ದಿನ ತುಂಬುವಷ್ಟರಲ್ಲಿ ತಾಯಿಯೊಂದಿಗೆ ಸಮನ್ವಯವಾಗಿ ಓಂಕಾರ ಜಪಿಸುವುದನ್ನು ಗಮನಿಸಿದ ಪಾಲಕರು ಮಗು ಓಂಕಾರ ಜಪಿಸುವುದನ್ನು ವಿಡಿಯೋ ಮಾಡಿ ಏ.13ರಂದು ಕಿಡ್ಸ್‌ ಬುಕ್‌ ಆಫ್‌ ರೆಕಾರ್ಡ್‌ಗೆ ಕಳುಹಿಸಿಕೊಟ್ಟಿದ್ದರು.

ಮೇ 10ರಂದು ಮಗುವನ್ನು ಪರೀಕ್ಷಿಸಿದ ಕಿಡ್ಸ್‌ ಬುಕ್‌ ಆಫ್‌ ರೆಕಾರ್ಡ್‌ನ ದೆಹಲಿ ಸದಸ್ಯರು “ಓಂ’ ಜಪಿಸಿದ ಅತ್ಯಂತ ಕಿರಿಯ ಮಗು ಎಂಬ ವಿಶ್ವದಾಖಲೆಯ ಪ್ರಮಾಣಪತ್ರ ನೀಡಿ ಗೌರವಿಸಿದ್ದಾರೆ.